Моладзевыя актывісты Лілія і Іван Міхайлавы , а таксама Аляксандар Лаўрыновіч былі ўчора затрыманыя міліцыяй на вул. К. Маркса ў Мінску

Ад 18 да 2 гадзінаў ночы яны знаходзіліся ва ўпраўленьні унутраных справаў Ленінскага раёну Менску. У моладзевых актывістаў знайшлі налепкі “Джынс -- За свабоду”. Міліцыянты забралі налепкі, на  склалі пратакол. Іх абвінавацілі ў псаваньні вонкавага выгляду гораду. Падчас затрымання з дазволу дзяжурнага міліцыянта ДОП №1  Юрковіча Андрэя Анатольевіча ў іх спрабавалі узяць адбіткі пальцаў і знімаць іх на відэа. Актывістам пагражае штраф. Справу будзе разглядаць адміністрацыйная камісія райвыканкаму.

Сёньня актывісты  пададуць у Пракуратуру скаргу на дзеяньні міліцыянтаў. Іх незаконна трымалі 6 гадзінаў у пастарунку.