Суд над моладзевай актывісткай Анастасіяй Александровіч адкладзены да 1 лютага

15 студзеня ў судзе Фрунзенскага раёну Менска адбыўся разгляд адміністратыўнай справы ў дачыненьні да моладзевай актывісткі Насты Александровіч. Высьветлілася, што сьведкамі з боку абвінавачаньня выступілі супрацоўнікі міліцыі, якія ня ўдзельнічалі пры затрыманьні дзяўчыны, таму судовае паседжаньне адкладзенае да 1 лютага з тым, каб зьявіліся міліцыянты, якія пісалі рапарты і складалі пратакол затрыманьня. З 12 студзеня да суда Наста Александровіч, абвінавачаная ў парушэньні арт. 156 КаАП за дробнае хуліганства знаходзілася ў сьпецпрыёмніку-разьмеркавальніку на Акрэсціна.