Корбану і Сяргееву па 5 сутак арышту (аднаўляецца)

Лідэра моладзевай ініцыятывы «Альтэрнатыва» Алега Корбана і актывіста Уладзімера Сяргеева судзяць у судзе Партызанкага раёну Менска. Іх вінавацяць у дробным хуліганстве (арт. 17.1 КаАП). Суддзя - Рыта Шарай.

Учора актывістаў затрымалі нібыта за ўдзел у акцыі супраць прапаганды на БТ.

Нагадаем, актывісты «Альтэрнатывы» правялі флэшмоб на знак пратэсту супраць прапаганды на дзяржаўным тэлебачаньні. Яны ўсталявалі на рагу вуліц Няміга і Гарадзкі Вал тэлевізар з выявай лягатыпу Першага беларускага тэлеканалу і расклалі на ім локшыну, таксама раскідалі локшыну навокал.

12-30. Суд пачаўся. Амаль адразу абвешчаны перапынак. Сяргееў і Корбан папрасілі час, каб азнаёміцца з матэрыяламі справы.

14-40. Уладзіміра Сяргеева прысудзілі да арышту на 5 сутак.

14-50. Алегу Корбану - 5 сутак.