Затрыманні на Кастрычніцкай плошчы

Відэааператара «Нашай Нівы» Таццяну Гаўрыльчык затрымалі ў часе здымак на Кастрычніцкай плошчы ў Менску.

Яе затрымалі ў часе здымак, паведаміла журналістка Ганна Бадзяка. На дадзены момант Таццяна Гаўрыльчык знаходзіцца ў Цэнтральным РУУС. На тэлефанаванні не адказвае.

Як паведамляе ў фэйсбуку фотакарэспанэнт Юлія Дарашкевіч, у РУУС даставілі яшчэ чатырох чалавек. Яны не журналісты. Валянтэры складвалі рознакаляровыя кубікі і пірамідкі. Яны праводзілі акцыю “Складанасці выказвання ў грамадскай прасторы”.

Радыё Свабода паведамляе, што затрыманыя мастак Міхаіл Гулін, трое валянтэраў і журналістка «Нашай нівы» Тацяна Гаўрыльчык. Усе яны знаходзяцца ў Цэнтральным РУУС Менску. А 16:30 Тацяну Гаўрыльчык адпусьцілі, астатніх пакінулі ў пастарунку.

У міліцыі Цэнтральнага раёну на ўсіх складаюць пратаколы аб адміністратыўным правапарушэньні, верагодна, наконт дробнага хуліганства. «Прайшло тры гадзіны пасьля затрыманьня, але пратакол яшчэ не паказвалі», — паведаміла Тацяна.