Праваабарончая праграма “Людзьмі звацца!” на Радыё Рацыя
Кожны аўторак у 15:05 ў эфіры незалежнай радыёстанцыі “Радыё Рацыя” - праграма “Людзьмі звацца!”, якая асвятляе падзеі, датычныя правоў чалавека на Беларусі. Праграма складаецца з рубрык “Хроніка пераследу”, “Асоба. Дзяржава. Грамадства” ды “Праваабарончы каляндар”.
У гэтым выпуску:
“Хроніка пераследу”: агляд найбольш гучных парушэнняў правоў чалавека за мінулы тыдзень.
“Падзея тыдня” прысвечаная практыцы асабістага дагляду памежнымі службамі праваабаронцаў пры перасячэнні дзяржаўнай мяжы Беларусі, якая ў апошні час набыла сістэмны характар.
"Асоба. Дзяржава. Грамадства": госць рубрыкі - сцэнарыст цыклу тэлевізійных рэпартажаў і дакументальных фільмаў па праблеме смяротнага пакарання ў Беларусі Паліна Сцепаненка.
У музычных паўзах прадстаўляем супольны міжнародны праект беларускага этнічнага вакальнага трыо Akana і джаз-бэнда Albin Brun Alpin Ensemble са Швейцарыі пад назвай Kazalpin.
