Віншаванні для Алеся Бяляцкага: Міжнародная федэрацыя за правы чалавека

Міжнародная федэрацыя за правы чалавека (FIDH), віцэ-прэзідэнтам якой з’яўляецца Алесь Бяляцкі, перадае свайму калегу і сябру наступнае віншаванне:  

“Дарагі Алесь,
сардэчна віншуем Вас з цудоўным юбілеем - радасным днём, нягледзячы на сумныя абставіны! Усе мы вельмі рады, што 50 гадоў таму пачалася Ваша цяжкая, займальная і значная біяграфія і што нам усім выдалася радасць і гонар працаваць разам з Вамі, дамагаючыся абароны правоў чалавека ў рэгіёне Усходняй Еўропы і па-за яе межамі.

Мы жадаем Вам мужнасці, сілаў і здароўя, каб перанесці выпрабаванні, якія выпалі Вам, а ўсім нам - і Вам, і нам - доўгачаканай і хуткай сустрэчы з Вамі!

З павагай і любоўю,
Суэр Белхасен, Прэзідэнт FIDH”

На фота: супрацоўнікі FIDH у офісе Міжнароднага сакратарыяту арганізацыі ў Парыжы.