Полацк: Міхальчанка прайграў Гуйвік

Полацкая акруговая камісія першая ў вобласці адрапартавала аб заканчэнні выбараў. З падлікам галасоў участковыя камісіі справіліся прыкладна на працягу трох гадзін пасля закрыцця ўчасткаў, канчатковы вынік па Полацкай выбарчай акрузе № 28 быў падлічаны прыкладна да 12-й ночы.

Па афіцыйных дадзеных, у Полацку ўдзел у галасаванні прыняло каля 62% выбаршчыкаў, 23% прагаласавала датэрмінова. За праўладную кандыдатуру - Наталлю Гуйвік, старшыню Полацкага гарадскога Савета дэпутатаў прагаласавала больш за 56% выбаршчыкаў, за вядучага АНТ Аляксея Міхальчанка - крыху больш за 22%, за прадстаўніка «Справядлівага свету» Аляксея Філімонава - каля 9%. Пры гэтым больш за 4 тысячы палачан - амаль 10% ад ліку тых, хто прагаласаваў - паставіла сваю галачку ў графе «супраць усіх». Каля 800 бюлетэняў было прызнана несапраўднымі. Яшчэ каля 30 бюлетэняў выбаршчыкі проста панеслі з сабой.

«Праваабаронцы за свабодныя выбары»