Гомель: назіральнікі «не ўбачылі» амаль 150 выбарцаў

Назіральнікі з ўчастка №4 Гомельскай-Цэнтральнай акругі №33 паведамляюць, што іх дадзеныя разыходзяцца з пратаколам выбарчай камісіі. «Мы ўдвух цэлы дзень не сыходзілі з месца, і налічылі 360 чалавек. Камісія ж напісала ў пратаколе, што прагаласавалі сёння 507 чалавек. Адкуль яны ўзяліся, тыя выбарцы, невядома. Прычым на датэрміновым галасаванні лічбы – нашы і камісіі, практычна супадалі», - адзначыў назіральнік Кастусь Жукоўскі. Ён напісаў адпаведныя скаргі. Таксама сачыць за падлікам галасоў назіральнікам прыйшлося за 11 метраў ад стала. Бліжэй падыйсці забараняла камісія.

“Праваабаронцы за свабодныя выбары”