У Берасці і Пружанах затрымліваюць актывістаў

Зараз у Маскоўскім райаддзеле міліцыі г. Берасця знаходзіцца Андрэй Шарэнда – мясцовы грамадскі актывіст. Некалькі хвілінаў таму стала вядома пра затрыманне Дзяніса Турчэняка. Зараз ён  знаходзіцца ў міліцыі па падозранні ва ўгоне аўтамабіля. Абодвум актывістам інкрымінуецца парушэнне арт. 156 КоАП.

У Пружанах быў затрыманы Ўладзімір Радзівончык - кандыдат у дэпутаты ў мясцовыя саветы . Яго таксама абвінавачваюць у парушэнні арт. 156 Адміністрацыйнага Кодэксу  - "дробнае хуліганства".  Затрыманне правялі супрацоўнікі міліцыі - Ул. Радзівончыка схапілі на вуліцы, "запіхнулі" ў машыну і адвезлі ў пастарунак. Пра гэта нам паведаміў брэсцкі праваабаронца Уладзімір Вялічкін.