На мяжы ўчынілі асабісты дагляд Віктару Карняенку

Каардынатара кампаніі «За справядлівыя выбары» Віктара Карняенку 4 верасня ўвечары затрымалі на аўтапераходзе  Каменны Лог на беларуска-літоўскай мяжы.

Ён з актывісткай кампаніі Галінай Скараход вяртаўся з Вільні,  калі да ягонага аўтамабіля падышлі людзі ў форме і накіравалі на «чырвоны» калідор. Затым забралі ключы ад машыны і загадалі чакаць.

Як паведамляе  Сamarade.biz , праз некаторы час Галіне Скараход паведамілі, што яе ніхто не затрымлівае, а таму яна можа быць вольная. Віктару ж было сказана, што адгоняць машыну ў бокс для больш дэталёвага надгляду. Следам быў зладжаны асабісты надгляд.

Па словах кіраўніка партыі «Справядлівы свет» Сяргей Калякіна, які паведаміў СМІ пра затрыманне апазіцыянера, Віктар Карняенка нічога супрацьзаконнага не перавозіў, а таму падстаў для затрымання і дасканальнага надгляду, ён не бачыць.