Жодзіна: кандыдат ад ЛДПБ зняўся з выбарчай гонкі

30 жніўня на экстрана скліканым паседжанні Жодзінскай акруговай выбарчай камісіі была разгледжана заява кандыдата ад ЛДПБ Аляксандра Чарапка, які папрасіў ануляваць ягоную рэгістрацыю з простай фармулёўкай - «у сувязі з сямейнымі абставінамі».

Камісія адзінагалосна прагаласавала за прызнанне адзначанай у заяве падставы ўважлівай і прыняла рашэнне ўнесці неабходныя змены ў выбарчыя бюлетэні. Цяпер у іх будзе ўжо не 3, а ўсяго 2 кандыдаты: вылучэнцу ад шматтысячнага жодзінскага БелАЗу будзе супрацьстаяць кандыдат ад КПБ... 

Варта адзначыць, што 29 жніўня, за дзень да сыходу з выбарчай дыстанцыі кандыдата ад ЛДПБ, інфармацыю аб ягонай рэгістрацыі ўжо паспелі надрукаваць усе мясцовыя газеты.

“Праваабаронцы за свабодныя выбары”