У Елісейскім палацы размаўлялі пра Алеся Бяляцкага
24 жніўня Прэзідэнт Міжнароднай Федэрацыі за правы чалавека (FIDH) Суэр Белхасен з яе папярэднікам на пасадзе Прэзідэнта FIDH, а цяпер ганаровым Прэзідэнтам FIDH, сенегальскім адвакатам Сідзікі Каба і Генеральным дырэктарам FIDH Антуанам Бернарам былі на аўдыенцыі ў Прэзідэнта Францыі Франсуа Аланда.
Сярод узнятых пытанняў міжнароднай палітыкі, непасрэдна звязаных з актыўнай
французскай знешняй палітыкай (такімі, як сітуацыя ў Сірыі, Малі і
Дэмакратычнай Рэспубліцы Конга), прадстаўнікі FIDH спыніліся на сітуацыі двух
сяброў Міжнароднага праўлення FIDH - віцэ-прэзідэнта FIDH Алеся Бяляцкага,
асуджанага да 4,5 гадоў зняволення ў Беларусі ў 2011 годзе, і Набіла Раджаба,
генеральнага сакратара FIDH, зусім нядаўна асуджанага да трох гадоў зняволення
ў Бахрэйне. Яны заклікалі Прэзідэнта Францыі заняць актыўную і лідзіруючую
пазіцыю ў рамках міжнароднай мабілізацыі за іх неадкладнае вызваленне. Гэтую
просьбу дэлегацыя FIDH агучыла і на сустрэчы з журналістамі на прыступках Елісейскага
палаца пасля сустрэчы з Прэзідэнтам Францыі.
Фотаздымкі на сайце Елісейскага палаца:
