10 снежня, ў Сусьветны дзень правоў чалавека, ў Польшчы ды амаль 40 іншых краінах свету праходзіў Міжнародны марафон пісаньня лістоў
10 сьнежня ў Польшчы і іншых краінах пачалася акцыя праваабарончай арганізацыі Міжнародная амністыя — „Марафон напісаньня лістоў”. Удзельнікі „Марафону” пішуць лісты таксама і ўладам Беларусі з патрабаваньнем вызваліць вязьня сумленьня Зьмітра Дашкевіча. Па ўсёй краіне адкрытыя адмысловыя пункты, дзе можна напісаць ліст.
Падобная ідэя нарадзілася 7 гадоў таму ў Варшаве, яе падтрымалі ў 36 краінах сьвету на розных кантынентах, і зараз гэта ўжо міжнародная акцыя, якая ладзіцца з нагоды Міжнароднага дня абароны правоў чалавека штогод у гадавіну прыняцьця Арганізацыяй Аб’яднаных Нацыяў Ўсеагульнай дэкларацыі правоў чалавека.
Прадстаўнікі Міжнароднай амністыі кажуць, што ў мінулым такая тактыка — тысячы лістоў да ўладаў у справе канкрэтных палітвязьняў — прынесла вынікі. Сёлета толькі з Польшчы вышлюць каля 25 тыс. лістоў.
У Беларусі, нагадаем, зараз знаходзяцца за кратамі 12 палітвязняў:
Аўтуховіч Мікалай, лідэр прадпрымальніцкага руху
Дашкевіч Зміцер, лідэр “Маладога Фронту”
Дранчук Цімафей, сябар грамадзянскай ініцыятывы па назіранні за выбарамі
Клімаў Андрэй, дэпутат Вярхоўнага Савета 13 склікання
Казулін Аляксандр, экс-кандыдат у прэзідэнты Беларусі
Крук Іван, актывіст Аб`яднанай грамадзянскай партыі
Лявонаў Юрый, актывіст прадпрымальніцкага руху
Разумаў Мікалай, актывіст прафсаюзнага руху
Севярынец Павел, моладзевы лідэр
Статкевіч Мікалай, лідэр Беларускай сацыял-дэмакратычнай партыі “Народная Грамада”
Фінькевіч Артур, моладзевы лідэр
Садоўская Кацярына, праваабаронца
