Жанну Літвіну выключылі са спісу невыязных
Адпаведнае паведамленне старшыня ГА “Беларуская асацыяцыя журналістаў” атрымала з Дэпартамента па грамадзянству і міграцыі МУС Беларусі.
Чыноўнікі Дэпартамента спаслаліся на кампутаровы збой, які нібыта адбыўся ў іх з 24 лютага па 10 сакавіка бягучага году.
Сама кіраўніца ГА "Беларуская асацыяцыя журналістаў" лічыць названую прычыну надуманай і звязвае яе з канкрэтным палітычны рашэннем афіцыйнага Мінска.
- Унясенне дэмакратычных палітыкаў, праваабаронцаў ды незалежных журналістаў у чорны спіс было, відавочна, прыдумкай нейкай гарачай галавы. Аднак у выніку беларускія ўлады так і не здолелі падмацаваць забарону на выезд хоць якімі юрыдычнымі падставамі, таму вымушаныя былі прызнаць уласную паразу і спіхнуць парушэнне маіх канстытуцыйных правоў на кампутаровы збой, - лічыць Ж.Літвіна
Тым часам у чорным спісе МУС Беларусі па ранейшаму знаходзяцца трое сябраў ГА "БАЖ": Аляксандр Атрошчанкаў, Андрэй Дынько і Міхась Янчук.
\
