Дырэктар слонімскай школы “падстрахавалася” працоўным калектывам зэльвенскай бальніцы

Прэтэндэнт у кандыдаты Ала Сопікава па Слонімскай выбарчай акрузе № 58, якая зарэгістравала сваю ініцыятыўную групу, «падстрахавалася» на выпадак няўдалага збору подпісаў.
У Зэльвенскай цэнтральнай раённай бальніцы адбыўся сход упаўнаважаных членаў калектыву дадзенай установы. На парадак дня было вынесена пытанне аб вылучэнні ад працоўнага калектыву Зэльвенскай ЦРБ кандыдатам у дэпутаты Алы Сопікавай, дырэктара сярэдняй школы № 9 горада Слоніма. Калектыў цэнтральнай раённай бальніцы падтрымаў яе кандыдатуру аднагалосным галасаваннем.
Ала Сопікава зарэгістравала і сваю ініцыятыўную групу па зборы подпісаў. Праўда, у Слоніме толькі адзін раз бачылі яе пікет, дзе ішоў збор подпісаў. У асноўным, подпісы арганізавана збіраюцца і працоўных калектывах Слонімшчыны і Зельвеншчыны. А вылучэнне ад Зэльвенскай бальніцы можна лічыць своеасаблівай «падстрахоўкай» на выпадак не вельмі паспяховых вынікаў збору подпісаў.
«Праваабаронцы за свабодныя выбары»