viasna on patreon

Уладзімір Яроменак: На Акрэсціна спалі па чарзе

2012 2012-08-01T13:59:26+0300 1970-01-01T03:00:00+0300 be https://spring96.org/files/images/sources/jaromenak.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Уладзімір Яроменак

Уладзімір Яроменак

Сёння актывіста «Маладога фронту» вызвалілі пасля 15-ці сутак арышту.

«Гэтым разам я сядзеў у горшых умовах, чым раней. Мяне кінулі ў пустую камеру і некалькі дзён я сядзеў адзін. Спальнік мне не перадалі і вокны не зачыняліся, таму было халодна. Я пісаў шмат скаргаў і потым мяне перавялі ў камеру з нармальнымі вокнамі. Праўда, да таго часу на вуліцы ўжо стала цёпла і зачыняць вокны больш не трэба
было», - падзяліўся маладафронтавец.

«Было вельмі шмат асабістых надглядаў. Пасля аднаго з іх я зайшоў у камеру і не знайшоў слоў, як назваць тое, што я ўбачыў. На рушніку ляжала смецце, які пры ператрусе дасталі са скрыні. Зубная шчотка ляжала ва ўнітазе. Такія ператрусы ладзіў капітан Есьмантовіч, на якога і раней былі скаргі ад затрыманых», - адзначыў Уладзімір Яроменак.

"На выходных наша камера была перапоўненая. Сядзела 9 чалавек, а на «сцэне» змяшчалася толькі 5-6. Давялося спаць па чарзе", - распавёў актывіст.

Нагадаем, Уладзіміра Яроменка і Рамана Васільева затрымалі раніцай 17 ліпеня ў Кастрычніцкім раёне Мінска. Іх даставілі ва УУС Кастрычніцкага раёна, дзе на маладафронтаўцаў склалі пратаколы за "дробнае хуліганства". Тады Яроменка прысудзілі да 15, а Васільева да 12 сутак арышту.

Апошнія навіны

Партнёрства

Сяброўства