Андрэя Моўчана прысудзілі да штрафу

У судзе Першамайскага раёну Менску 24 ліпеня была разгледжаная адміністрацыйная справа актывіста Андрэя Моўчана, якога супрацоўнікі міліцыі затрымалі ўначы 14 ліпеня. Справу разглядаў суддзя Сяргей Люштык.
Моўчана звінавацілі адразу   па 2 артыкулах КаАП:  23.14 (парушэньне правілаў добраўпарадкаваньня гарадоў) і арт. 17.1 (дробнае хуліганства) і пакаралі грашовым штрафам у памеры 10 б.в.
Сведкамі выступілі супрацоўнікі міліцыі Дэпартамэнту аховы Віктар Самуценка і Яўген Бурак.

Нагадаем, што 4 ліпеня Першамайскі суд Менску аштрафаваў Моўчана на 800 тысяч рублёў за тое, што 19 траўня той разгарнуў бел-чырвона-белы сьцяг у знак салідарнасьці з палітвязьнем Сяргеем Каваленкам. Пад час затрыманьня ён быў моцна збіты.