viasna on patreon

Калегія ВГС cпыніла разгляд скаргаў царквы 'Новае жыцьцё'

2006 2006-11-20T10:00:00+0200 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

16 лістапада Касацыйная калегія Вышэйшага Гаспадарчага суду спыніла разгляд скаргаў царквы "Новае жыцьцё", паведаміла прэс-служба Хартыі’97. Яны будуць разгледжаныя пасля паседжаньня Прэзыдыўма Вышэйшага Гаспадарчага суду адносна законнасьці рашэньня аб пазбаўленьні царквы зямлі і будынка.

На працягу 23 дзён больш за 100 пратэстантаў трымалі галадоўку у падтрымку свайго храма, які знаходзіцца ў Менску па адрасе вул. Кавалёва, 72. Людзі кругласуткава не выходзілі з будынку, патрабуючы такім чынам адмяніць рашэньне Гаспадарчага суду Менска аб спыненьні права царквы на карыстаньне зямельным участкам і будынкам, а таксама аб іх канфіскацыі і прымусовым выкупе.

4 лістапада Прэзідыўм Вышэйшага Гаспадарчага суду Беларусі (ВГС) адмяніў судовыя пастановы, датычныя ўласнасці царквы "Новае жыцьцё" і накіраваў справу на новы разгляд.

Апошнія навіны

Партнёрства

Сяброўства