Пяцёра берасьцейскіх актывістаў пакараныя буйнымі штрафамі за ўдзел у Дне салідарнасьці 16 кастрычніка

Сёньня ў судзе Маскоўскага раёна г. Брэста разглядаліся адміністратыўныя справы пяцёх дэмакратычных актывістаў, абвiнавачаных ва ўдзеле ў несанкцыянаванай акцыi на Дзень салiдарнасцi з палiтычнымi вязнямi, якая адбылася 16 кастрычнiка ў цэнтры гораду.

Як паведаміў старшыня мясцовай гарадзкой арганiзацыi Партыi БНФ Зьміцер Шыманскі, маладых людзей пакаралі адміністратыўнымі штрафамі: Андрэй Шарэнда пакараны 50 базавымі адзінкамі (1 мільён 550 тысяч рублёў), Анатоль Ярмак - 30 (930 тысяч рублёў), астатнія трое атрымалі штраф ў 20 базавых адзінак кожны.