Міхася Пашкевіча будуць судзіць

Затрыманага 31 траўня актывіста кампаніі “Гавары праўду!” Міхася Пашкевіча  пакінулі ў Светлагорскім РАУСе. На яго складзены адміністратыўны пратакол па арт. 23.4 КаАП РБ («умяшальніцтва ў дзеяньні супрацоўнікаў міліцыі»). Сёння мусіць адбыцца суд.

Учора ўвечары міліцыя Светлагорска затрымала актывістаў грамадзянскай кампаніі «Гавары праўду!», журналістаў і мясцовых жыхароў, якія пратэставалі супраць будаўніцтва завода беленай цэлюлозы каля вёскі Якімава Слабада.

Сярод затрыманых былі журналісты Аліна Радачынская, Аляксандр Баразенка, Сяргей Балай, Іна Студзінская, а таксама актывісты кампаніі “Гавары праўду!” Сяргей Вазняк, Аляксандр Уліцёнак і Міхаіл Пашкевіч і берасьцейская актывістка «Гавары праўду» Ганна Курловіч. Усіх іх, апрч Пашкевіча, адпусцілі.

Пад час затрымання маёр міліцыі Клепік моцна пашкодзіў руку Міхасю Пашкевічу. Актывіста накіравалі  ў шпіталь на мэдычнае абсьледаваньне, але затым вярнулі ў РАУС.