Войтэку Барадзіну, актывісту непрызнаванага ўладамі Саюзу палякаў, у Наваградзкім АВІРы ў новы пашпарт адмовіліся ставіць пячатку пра дазвол на выезд за мяжу

Спадар Барадзін распавёў Радыё свабодзе, што супрацоўніца АВІРу патлумачыла адсутнасьць пераносу дзейснай пячаткі са старога пашпарта ў новы рашэньнем КДБ аб забароне яму выезду за межы краіны.

Войтэк Барадзін адмовіўся атрымліваць новы пашпарт безь пячаткі й зьбіраецца зьвяртацца са скаргай у пракуратуру. Ён лічыць, што выезд за мяжу КДБ абмяжоўвае яму толькі з палітычных прычынаў, паколькі ніякіх іншых дачыненьняў з органамі правапарадку ён ня меў.