Вернікі пратэстанцкай царквы "Новае жыцьцё" атрымалі дазвол Менскага гарвыканкама на правядзеньне мітынгу ў парку Дружбы народаў ля плошчы Бангалор

Мітынг пройдзе 21 кастрычніка з 18 да 20 гадзін. Вернікі спадзяюцца прыцягнуць увагу грамадзкасьці да праблемаў не толькі сваёй царквы, але і ўсіх пратэстантаў Беларусі.

Тым часам галадоўка пратэстантаў, якія патрабуюць, каб улады Менску прызналі іх храм, набыты ў 2002 годзе, культавым будынкам, працягваецца.