Магілёўскім маладафронтаўцам прапанавалі супрацоўнічаць з КДБ
У Магілёве цiск на непаўналетніх маладзёвых актывістаў не прыпыняецца ўжо два тыдні. Цяпер супрацоўнiкi КДБ абралi iншую тактыку. Навучэнцу магiлёўскага лiцэю № 5 Алесю Анiсiмаву, якi зьяўляецца сябрам “Моладзi БНФ”, супрацоўнiк спэцслужбаў прапанаваў стаць “сябрам КДБ”.
Як паведамляе “Радыё Рацыя”, падчас iмправiзаванага допыту “без пратаколаў” дырэктар навучальнай установы выйшаў са свайго кабiнэту i юнак застаўся сам-насам з двума супрацоўнiкамi камiтэту дзяржбясьпекi. Хлопцу паабяцалi схадзiць у кафэ ды прапанавалi дапамогу ў паступленьнi ў школу мiлiцыi, калi той да пятнiцы зьбярэ iнфармацыю пра грамадзкіх актывiстаў Крысьцiну Шацiкаву ды Яўгена Суворава.
Акрамя Анiсiмава, падобныя прапановы атрымалi таксама Уладзiмер Шчыцiнiн ды Яўген Адзiнец. Усе хлопцы ад супрацоўнiцтва адмовiлiся.
