Кнігі для вязняў

Бярозаўскія грамадскія актывісты, якія наведваюць палітвязня Паўла Севярынца, сабралі і перадалі для вязняў спецкамендатуры № 7 вёскі Куплін да 70-ці кніг на розную тэматыку. Кнігі давозіліся двойчы. Яшчэ вязняў чакае 19 кніг -- у асноўным беларускіх пісьменнікаў, перададзеных біблятэкай сярэдняй школы вёскі Сялец. Сярод іх -- 4 кнігі мастацкіх твораў Івана Навуменкі і 3 кнігі Івана Шамякіна.

Па словах Паўла Севярынца, вязні з задавальненнем карыстаюцца давезенай літаратурай.

Актывісты вырашылі яшчэ звярнуцца да знаёмых, каб тыя ахвяравалі кнігі, якія будуць і надалей перададзены ў спецкамендатуру №7.