На карабліках — “Свабоду палітвязням!”

15 красавіка сябры дэмакратычнага згуртавання Слоніма правялі акцыю на беразе ракі Шчара, прысвечаную беларускім палітвязням. Яны віталі вызваленне Андрэя Саннікава і Дзмітрыя Бандарэнкі, а таксама нагадвалі пра астатніх вязняў, якія да гэтага часу застаюцца ў турмах.

На ваду сябры згуртавання выпусцілі каля 100 папяровых караблікаў з надпісам “Свабоду валітвязням!”. Па Шчары караблікі паплылі ажно ў Нёман, каб паведаміць беларусам, што ў турмах Беларусі па-ранейшаму знаходзяцца палітвязні, якіх слонімцы патрабуюць неадкладна вызваліць.