Дзяржаўны тэлеканал «супакоіў» жыхароў Жодзіна

Дзяржаўны тэлеканал АНТ адрэагаваў на публікацыю на сайце ПЦ “Вясна” з нагоды ўтойвання інфармацыі ад жыхароў Жодзіна аб сліве машыннага алею ў раку Пліса.

З рэпартажу АНТ вынікае, што «Уцечка алею на Жодзінскай ЦЭЦ узбударажыла Інтэрнэт», а зусім не жыхароў горада. Пры гэтым здымка самой ракі вялася такім чынам, каб не было відаць, як алейная плёнка перацякае праз бярвенне, якое з'яўляецца загародай. Больш за тое, гэтыя самыя бярвенні ў рэпартажы названыя «цывілізавана» бонавымі агароджамі, а кавалкі бруднага паралону http://spring96.org/ru/news/51469 -сарбентамі.

«Пагрозы для экалогіі ў Жодзіна няма. І пазітыўную навіну гараджане напэўна ацэняць», спадзяюцца рэпарцёры дзяржтэлеканала, не знайшоўшы час зняць на камеру ваду няшчаснай ракі.