Лявонцій Чапурных скардзіцца ў Камітэт па правах чалавека ААН
Брэсцкі актывіст Беларускай партыі левых “Справядлівы свет” Лявонцій Чыпурных звярнуўся са скаргай у Камітэт па правах чалавека Арганізацыі Аб’яднаных Нацый (ААН).
Нагодай для такога звароту сам апазіцыйны палітык называе адсутнасць рэальнай магчымасці абскадзіць прысуд першай інстанцыі ў вышэйшых судовых інстанцыях Беларусі, а таксама права на свабодны распаўсюд інфармацыі.
Падставай для звароту ў Камітэт стала гісторыя, якая адбылася з Лявонціем Чыпурных напярэданні Народнага сходу, што прайшоў ў Брэсце 8-га кастрычніка 2011 года, калі яго затрымалі і прыцягнулі да адміністратыўнай адказнасці за распаўсюд інфармацыі пра дадзенае мерапрыемства. У выніку сябра партыі “Справядлівы свет” быў пакараны судом Ленінскага раёна Брэста арыштам на 5 сутак, а ўсе спробы абскардзіць гэтае рашэнне, поспеху не мелі.
