У Маскве аштрафавалі беларуса за надпісы на шыльдзе беларускай амбасады

Сёння завяршыўся судовы працэс у Маскве над Юрасём Іванюковічам. Як паведамляе “Наша Ніва”, Басманым судом беларус быў аштрафаваны на 3 тысячы расійскіх рублёў (112 долараў ЗША) замест 20 тысяч, чаго патрабаваў абвінаваўца. Прысуд быў вынесены за вандалізм па крымінальным артыкуле. У траўні Іванюкевіч зрабіў надпісы «Жыве Беларусь!» і «БТ ілжэ!» на шыльдзе беларускай амбасады ў расейскай сталіцы.

Нагадаем, што працэс цягнуўся каля трох месяцаў, судовыя паседжанні ўвесь час пераносіліся з-за адсутнасці ў Маскве беларуска-рускага перакладчыка.