Мікалая Дзядка пазбавілі чарговай перадачы

Чарговае, ужо сёмае парушэньне рэжыму зафіксавала адміністрацыя калоніі №15 у Магілёве з боку палітвязьня Мікалая Дзядка падчас ягонага знаходжаньня ў ШІЗА (з 12 па 17 сакавіка).

Міколу Дзядка абвінавацілі ў тым, што ён, нібыта, дрэнна прыбіраў памяшканне карцара. За гэта палітвязьня ў чарговы раз пазбавілі наступнай перадачы, якая была запланаваная на травень гэтага году. Цяпер бліжэйшая перадача мае быць толькі ўвосень.

Нагадаем, што Мікалаю Дзядку належаць 4 прадуктовыя перадачы на год па 30 кг кожная. Адной перадачы яго ўжо пазбавілі ў кастрычніку 2011 году. Зараз яму дазволена набываць прадукты харчаваньня і прадметы гігіены на 35 000 рублёў штомесяц. Дарэчы, апошні прыём ежы ў калоніі №15 адбываецца а 17-й гадзіне вечара.