“Яны прынеслі сябе ў ахвяру за лепшую будучыню Беларусі”

Бярозаўскія грамадскія актывісты накіроўваюць лісты і віншавальныя паштоўкі палітвязням да Дня волі і выказваюць словы падтрымкі:

Грамадскі актывіст Анатоль Сахаруша лічыць, што палітзняволеных павіншаваць трэба абавязкова. “Людзі знаходзяцца за кратамі ў невыносных умовах. Ім будзе прыемна атрымаць нашыя вестачкі і ведаць, што яны не адны, што пра іх памятаюць, -кажа Сахаруша. - Калі разабрацца - то і мы ў няволі. Як пеў Сокалаў-Воюш, у нашай краіне за сценамі турмы таксама зона”.

Актывістка Таццяны Аліхвер разглядае ліставанне з палітвязнямі як “маленькую падзяку нашым мучанікам, бо яны прынеслі сябе ў ахвяру за лепшую будучыню Беларусі”.