Улёткі ў падтрымку Сяргея Каваленкі з'явіліся сёння ў Оршы
21 сакавіка валанцёры кампаніі “Гавары праўду!” у Оршы расклеілі некалькі дзесяткаў плакатаў з інфармацыяй пра галадоўку Віцебскага актывіста Сяргея Каваленкі, якога асудзілі на 25 месяцаў калоніі за тое, што ён упрыгожыў гістарычным бел-чырвона-белым сцягам Беларусі галоўную ёлку Віцебска.
Тэкст улётак паведамляе, што ў Сяргея засталася сям'я: яго маці, жонка, а таксама двое дзяцей - 7-мі месячная дачка і 7-мі гадовы сын, для якіх ён быў адзіным карміцелем. У дадзены час Сяргей знаходзіцца ў крытычным стане, фактычна паміж жыццём і смерцю, але яму па-ранейшаму адмаўляюць у кваліфікаванай медыцынскай дапамозе, працягваюць здзекавацца над ім і яго сям'ёй.
Ва ўлётцы таксама паказаны кантактны адрас для асоб, якія хочуць і могуць аказаць якую-небудзь дапамогу Сяргею Каваленку і яго сям'і.
