Праваабарончая праграма “Людзьмі звацца!” на Радыё Рацыя
Кожны аўторак у 15:05 ў эфіры незалежнай радыёстанцыі “Радыё Рацыя” - праграма “Людзьмі звацца!”, якая асвятляе падзеі, датычныя правоў чалавека на Беларусі. Праграма складаецца з рубрык “Хроніка пераследу”, "Падзея тыдня", “Асоба. Дзяржава. Грамадства” ды “Праваабарончы каляндар”.
У гэтым выпуску:
Пра найбольш гучныя факты і падзеі мінулага тыдня ў галіне правоў чалавека - “Хроніка пераследу”.
Прывядзенню ў выкананне смяротнага прысуду Дзмітрыю Канавалаву і Уладзіславу Кавалёву, а таксама водгукам грамаскасці на расстрэльны крок уладаў прысвечана рубрыка “Падзея тыдня”.
Госць рубрыкі "Асоба. Дзяржава. Грамадства" – каардынатар кампаніі “Праваабаронцы супраць смяротнага пакарання ў Беларусі” Андрэй Палуда. У інтэрв’ю ён спрабуе разгледзець розныя аспекты вострай для беларускага грамадства праблемы смяротнай кары.
У “Праваабарончым календары” – Міжнародны дзень барацьбы за ліквідацыю расавай дыскрымінацыі, які прыпадае на 21 сакавіка.
У музычных паўзах – “Казальпін” – цікавы супольны праект швейцарскага джаз-бэнду Albin Brun Alpin Ensemble і беларускіх этна-дзяўчын Akana.
Слухаць выпуск:
