У Магілёве за палітычную дзейнасьць з гімназіі выключаны актывіст МФ Максім Азараў

Як паведаміла прэс-служба МФ, у Магілёве актывіста Маладога Фронту Максіма Азарава днямі выключылі з магілёўскага ліцэю №1 за ягоную палітычную і грамадзкую дзейнасьць.

Нагадаем, што гэта ўжо ня першы выпадак, калі актывістаў моладзевага дэмакратычнага руху выключаюць з сярэдніх навучальных устаноў за іх грамадзкую пазіцыю. Звычайнаю часткай дзейнасьці Міністэрства адукацыі РБ у дзяржаўных ВНУ краіны стала запалохваньне, выключэньне, ператрусы ў інтэрнатах, складаньне "чорных" сьпісаў.