Ліст ад Алеся Бяляцкага атрымалі гарадзенскія праваабаронцы

Алесь Бяляцкі даслаў чарговы ліст гарадзенскім сябрам-праваабаронцам ужо з бабруйскай калоніі.

У ім кіраўнік Праваабарончага цэнтру “Вясна” ні на што не наракае. Піша, што тыя, хто служыў у войску, асабліва ў савецкім, могуць прыгадаць у такой сітуацыі сваю вайсковую службу. Бо распарадак нечым падобны.

Адзінае, чаго яму моцна бракуе – дык гэта непасрэднага асабістага  кантакту з роднымі, блізкімі і сябрамі.

Таксама Алесь піша, каб за яго моцна не непакоіліся і падбадзёрвае тых, хто на волі.