Паўлу Вінаградаву далі 7 сутак арышту
Павел Вінаградаў
Суд Маскоўскага раёна Менска асудзіў актывіста кампаніі "Гавары праўду" Паўла Вінаградава да 7 сутак па арт 17.1 КаАП РБ (Дробнае хуліганства). Суд распачаўся яшчэ 5 сакавіка, аднак суддзя Яўген Хаткевіч адправіў пратакол на дапрацоўку ў РУУС Маскоўскага раёна, а Вінаградава вызвалілі да суда.
Павал Вінаградаў ужо адбыў 3 сутак арышту да пачатку судовага працэсу – яго затрымалі 2 сакавіка пасьля вызваленьня з ізалятара на Акрэсціна і абвінавацілі ў тым, што ён лаяўся матам каля крамы «Кірмаш» (вул.Ясеніна, 12). Па словах міліцыянтаў, яны зьдзяйсьнялі звычайнае патруляваньне і зьвярнулі ўвагу на Вінаградава.
Цяпер Паўлу Вінаградаву пагражае ўсталяваньне прэвентыўнага нагляду, паколькі дадзены адміністратыўны арышт – ужо трэці з моманту вызваленьня палітвязьня на падставе памілаваньня прэзідэнтам, якое адбылося 14 верасьня 2011 году.
