Сіўчык арыштаваны, хаця прысуд яму адменены

Сёньня сваякі апазыцыйнага актывіста Вячаслава Сіўчыка сабраліся каля турмы на Акрэсьціна. Менскі гарадзкі суд прыняў пастанову, якая адмяняе прысуд Цэнтральнага суду. Пастанова датаваная 6-ым верасьня і разглядалася ў адсутнасьці спадара Сіўчыка. Тым ня менш, 12 верасьня яго затрымалі супрацоўнікі міліцыі ў кавярні і адвезьлі ў турму адбываць 10 сутак арышту. Цяпер яго мусяць адпусьціць на волю да суду, бо, згодна з судовай пастановай, адміністрацыйны пратакол на яго будзе разглядаць іншы судзьдзя. Такім чынам, Вячаслаў Сіўчык можа зноў атрымаць 10 сутак арышту.

Нагадаем, што яго судзілі завочна 19 траўня за ўдзел у сакавіцкай акцыі апазыцыі на Кастрычніцкай плошчы.