Суд над Алесем Чыгіром перанесены на заўтра

Суд над дэпутатам Бабруйскага гарсавету Алесем Чыгіром перанесены на 13 верасьня ў 15.00. Сёньня, 12 верасьня, на судовы працэс не зьявіліся сьведкі з боку праваахоўчых органаў.
Нагадаем, Алесь Чыгір быў затрыманы сёньня раніцай. На яго быў складзены пратакол па Арт.166 Адміністрацыйнага Кодэксу (непадпарадкаваньне супрацоўнікам міліцыі) і Арт.167.1 (арганізацыя і актыўны ўдзел у несанкцыянаванай акцы). 31 жніўня дэпутат Бабруйскага гарсавету, настаўнік гісторыі Алесь Чыгір ланцугамі прывязаўся да слупа блізу будынку гарвыканкаму. Гэтак ён пратэставаў супраць звальненьня са школы, якое, ўпэўнены затрыманы, зьвязана з удзелам у палітычных падзеях падчас прэзыдэнцкіх выбараў, калі Чыгір узначальваў штаб Аляксандра Мілінкевіча.