Віцебскаму палітыку пагражае крымінальная справа

Супраць Сяргея Рыжова, прэтэндэнта на ўдзел у мінулых прэзідэнцкіх выбарах, узбуджаная выканаўчая вытворчасць за няўплату аліментаў. Пасля ўдзелу ў выбарчай кампаніі ён быў звольнены і з тае пары не можа ўладкавацца на працу, таму ён лічыць гэта "фактам самага грубага палітызаванага ціску на тле адсутнасці рэальнай магчымасці працаўладкавацца пры цяперашнім рэжыме”.

Сяргея Рыжова вінавацяць у нявыплаце аліментаў на карысць яго непаўнагадовай дачкі, але ён кажа, што проста не мае з чаго плаціць: спецыяліста з дзьвюма вышэйшымі адукацыямі не бяруць на працу, бо ў Віцебску шырока вядома пра яго апазіцыйныя погляды. Працаўладкаванню не паспрыяла і тое, што ён доўгі час стаіць на ўліку ў цэнтры занятасці.