Бабруйск: “Калі вызваляць палітвязняў?” (фота)

6 лютага на гарадскіх вуліцах з’явіліся ўлёткі кампаніі “Гавары праўду” з важнымі пытаннямі, якія б людзі хацелі задаць уладам наўпрост. На аркушах паперы былі такія пытанні: “Калі вызваляць палітвязняў?”, “Калі выбары стануць празрыстымі?”, “Чаму парламент нічога не вырашае?”, “Хто спыніць рост коштаў?” і гэтак далей.

Мясцовыя актывісты кампаніі расказалі, што імкнуліся абклеіць улёткамі ўвесь горад. Таксама немалая іх частка прыйшлася на прадпрыемства “Белшына”, бо на ім працуе шмат людзей. Адна з мэтаў акцыі – паказаць уладам, што праблем у Беларусі шмат, і людзі жадаюць абмеркаваць іх на вышэйшым узроўні.

Падобныя акцыі раней праходзілі і ў іншых гарадах краіны.