Маральна-псіхалагічны клімат у калектывах будуць падтрымліваць прафсаюзы разам з ідэолагамі

Баранавіцкія гарадскія ўлады патрабуюць ад прафсаюзных работнікаў пісаць агульныя планы з ідэолагамі. Такая дырэктыва паступіла ад старшыні Баранавіцкага гарвыканкама Віктара Дзічкоўскага ў час планёркі, на якую паклікалі як ідэолагаў прадпрыемстваў, так і прафсаюзных начальнікаў. Вызначаны і тэрмін здачы сумесных планаў – 15 дзён. Віктар Дзічкоўскі заклікаў прысутных не даводзіць людзей да адчаю ў сувязі з ростам коштаў, а падтрымліваць у калектывах добры маральна-псіхалагічны клімат.

На пажаданне прафсаюзных работнікаў, каб людзі мелі заробак 500 долараў у месяц, старшыня гарвыканкама параіў падняць прадукцыйнасць працы ў два разы.