Міколу Чарнавуса з Баранавіч будуць судзіць
Прадпрымальнік і грамадскі актывіст з Баранавічаў Мікалай Чарнавус
Грамадскі актывіст Мікола Чарнавус атрымаў позву ў суд на 3 лютага. Яго прыцягваюць да адміністрацыйнай адказнасці па арт. 23.39 КаАП РБ -- самаўпраўства. Чыноўнікі Баранавіцкага гарвыканкама палічылі самаўпраўствам тое, што заяву на пікет на 25 студзеня Чарнавус напісаў як старшыня грамадскага аб’яднання ўкраінцаў у Баранавічах “Кобзарь”. Але, як лічыць Чарнавус, ён не сам сябе назначыў старшынёю, яго абралі людзі на ўстаноўчым сходзе. Па словах актывіста, судовы працэс замест дазволу на пікет баранавіцкія ўлады забяспечылі Чарнавусу не за самаўпраўства, а каб перашкодзіць яму ў змаганні за памяшканне для юрыдычнага адрасу аб’яднання, якое ўлады не даюць для ўкраінскай дыяспары ў Баранавічах.
