Для аршанскіх уладаў закон не пісаны

Як мы ўжо пісалі, актывісты партыі «Справядлівы свет» падалі заяўкі на правядзенне 28 студзеня ў Оршы чатырох пікетаў супраць пагаршэння эканамічнага становішча грамадзян. У адпаведнасці з дзеючым заканадаўствам, адказ на падобныя заяўкі павінен быць дадзены не пазней, чым за 5 сутак да пачатку масавага мерапрыемства.

Тым не менш, па стане на 24 студзеня, гэта значыць, за 4 дні да акцый, ніхто з заяўнікаў адказу з Аршанскага гарвыканкама не атрымаў. Такім чынам можна сцвярджаць, што гарадскія ўлады Оршы парушылі ўстаноўленыя законам тэрміны.