У Баранавічах пададзена заяўка на пікет супраць збяднення

Старшыня гарадской арганізацыі партыі “Справядлівы свет” Віктар Цяпін накіраваў заяву ў Баранавіцкі гарвыканкам на правядзенне пікету супраць збяднення людзей. Пікет плануецца правесці 28 студзеня з 12.00 да 13.00 гадзін у старым парку горада з боку вуліцы Камсамольскай.

На думку Віктара Цяпіна, калі дзяржава не забяспечвае правы грамадзянаў на годны ўзровень жыцця, тады людзі самі павінны змагацца за свае сацыяльна-эканамічные правы.

Плануецца, што ў пікеце возьмуць удзел каля 30 чалавек.