Сёння пройдзе суд над Мікалаем Аўтуховічам

Палітвязню пагражае перавод з калоніі ў крытую турму.
Разбіральніцтва ініцыявала адміністрацыя калоніі. На яе думку, Аўтуховіч парушаў рэжым і заслугоўвае больш жорсткіх умоваў утрымання, чым зараз. Суд пройдзе ў Івацэвіцкай калоніі № 5. Мяркуецца, што на яго дапусцяць толькі адваката палітвязня.
 Нагадаем, што Мікалай Аўтуховіч адбывае тэрмін 5 гадоў і 2 месяцы ў калоніі ўзмоцненага рэжыму нібыта за незаконнае захоўванне і перавозку пяці патронаў і паляўнічай стрэльбы. На мінулым тыдні падобны працэс па пераводзе з калоніі ў турму прайшоў над Міколам Статкевічам. Яго асудзілі на тры гады.