Канфіскаваны наклад незалежнага выдання з артыкулам пра Алеся Бяляцкага
Уначы з 13 на 14 студзеня на дорозе пад Віцебскам супрацоўнікі ДАІ затрымалі машыну з накладам незалежнага выдання "Витебский курьер". 10 тысяч асобнікаў забралі на праверку. У нумары быў надрукаваны артыкул "Шэсць фактаў па справе Алеся Бяляцкага, пра якія не распавядае БТ і не пішуць у “Советской Белоруссии”.
Як вядома, зарэгістравана і друкуецца рэгіянальная незалежная газета ў Смаленску, таму ў Беларусі «Витебский курьер» лічыцца расейскім друкаваным выданнем, хоць і распаўсюджваецца ў Віцебску.
Паводле шэф-рэдактара газэты Вадзіма Баршчэўскага, машыну з накладам выданьня на дарозе адсочвалі. «Спачатку затрымалі адну машыну, якой кіравала журналістка Юлія Канаплёва. Але газэты не знайшлі і склалі два пратаколы — за забруджаны нумар і нібыта пратэрмінаваны часовы талён. Потым спынілі машыну Віктара Рамнёва, прычым затрыманьне праводзілі супрацоўнікі ДАІ, але кіравалі іхнымі дзеяньнямі невядомыя асобы з „грамадзянскай“ машыны. Аўтамабіль Віктара Рамнёва адправілі на штрафную стаянку, а наклад забралі,» - распавёў сп. Баршчэўскі ў інтэрвію Радыё Свабода.
