Прысуд актывістам “Партнэрства” вынясуць сёньня ў 15.00

З апошнім словам сёньня, 4 жніўня, ужо выступіў Мікалай Астрэйка. Сёньня ж, у 15.00, актывістам незарэгіставанай ініцыятывы “Партнэрства” – Мікалаю Астрэйка, Цімафею Дранчуку, Эніры Браніцкай і Аляксандру Шалайка – будуць вынесеныя прысуды.
Як стала вядома праваабарончаму цэнтру “Вясна”, судзьдзя Леанід Ясіновіч дазволіў прысутнічаць у час вынясеньня прысуду 35 чалавекам: журналістам, сваякам актывістаў і прадстаўнікам дыпляматычных місыяў. Аднак пры гэтым журналістам будзе забаронена весьці відэё і аўдыёзапіс.