Слонімскія ўлады ўсё ж "знайшлі" сваё рашэнне аб правядзенні пікетаў
“Слонімскі веснік”, нумар ад 28 верасня 2011 г.
Рашэнне Слонімскага раённага выканаўчага камітэта аб тым, што грамадзяне на масавыя мерапрыемствы змогуць збірацца ў гарадскім парку, нарэшце ўнесена ў дзяржаўны рэестр.
Такім чынам, гарадскія ўлады, нарэшце, "знайшлі" прынятае яшчэ 26 верасня 2011 года рашэнне "Аб вызначэнні пастаяннага месца для правядзення мітынгаў, сходаў, пікетаванняў у горадзе Слоніме".
Нагадаем, што ўвосень мінулага года Слонімскі раённы выканаўчы камітэт неаднаразова адмаўляў жадаючым правесці ў горадзе пікеты на той падставе, што заяўленыя месцы, нібыта не адпавядалі спісу дазволеных для правядзення акцый пратэсту месцаў.
Між тым, мясцовая раённая газета "Слонімскі веснік" яшчэ ў верасні мінулага года апублікавала рашэнне райвыканкама аб магчымасці праводзіць пікеты ў гарадскім парку па вуліцы Оперная.
