Сваё 35-годдзе Павел Севярынец адзначыць дома
Cудовы працэс па крымінальнай справе П.Севярынца, С.Марцалева, І.Халіп
Адміністрацыя спецкамендатуры № 7 прыняла рашэнне адпусціць Паўла Севярынца дадому на некалькі сутак з нагоды Дня нараджэння 30 снежня. 28 снежня Павел выедзе дадому, а 1-га студзеня ўжо павінен быць у камендатуры.
Такі гуманны крок з боку кіраўніцтва Павел Севярынец бачыць у нежаданні 30 снежня бачыць ля камендатуры прыехаўшых павіншаваць аднапартыйцаў і сяброў.
Гэта першы за паўгады адбыцця пакарання адпачынак, які павінен давацца штомесяц, калі асуджаны не мае ніякіх нараканняў.
Сустаршыня БХД Павел Севярынец быў асуджаны за арганізацыю паслявыбарчых пратэстаў на Плошчы-2010 да трох год абмежавання волі на “хіміі” і накіраваны адбываць пакаранне ў вёску Куплін Пружанскага раёна Брэсцкай вобласці.
