У Брэсце распачалася кампанія “Права на будучыню”
Новая ініцытыва прадуглеждвае два накірункі - папулярызацыю беларускай мовы і абарону правоў студэнтаў брэсцкіх вышэйшых навучальных установаў.
Што тычыцца абароны беларускай мовы, дык арганізатары кампаніі (сярод якіх - агенцтва рэгіянальнага развіцця “Дзедзіч”, прыхільнікі ініцыятывы “Аазіс” і моладзевай арганізацыі Партыі БНФ) збіраюцца распачаць збор подпісаў за падтрымку яе статуса адзінай у якасці дзяржаўнай, а таксама распаўсюджваць інфармацыю пра сапраўдны стан беларускай мовы, бо яна амаль не выкарыстоўваецца ў дзяржаўных установах.
Другі накірунак кампаніі прадугледжвае шэраг сацыяльна-гумарыстычных флэшмобаў, якія маюць адлюстраваць сённяшняе становішча тых, хто вучыцца ў вышэйшых навучальных установах. У прыватнасці, ёсць намер зладзіць збор подпісаў за тое, каб іншагароднім студэнтам кампенсавалі арэнду жылля, бо зараз гэтая працэдура вельмі складаная і па ўсёй Беларусі рэальную кампенсацыю атрымалі толькі некалькі асобаў.
Чакаецца, што асноўная дзейнасць у рамкаха гэтай кампаніі распачнецца адразу пасля навагодніх святаў, а пакуль вырашаюцца некаторыя арганізацыйныя пытанні.
