Грамадзяне патрабуюць прыцягнуць да адказнасці Талачынскага сенатара Анюхоўскага
Жыхары Талачынскага раёна, якія пражываюць у непасрэднай блізкасці ад Рэспубліканскага унітарнага прадпрыемства “Талачынскі кансервавы завод”, на днях забілі трывогу. Адходы, якія застаюцца пасля перапрацоўкі бульбы ў крухмальным цэху прадпрыемствы, замест адстойніка былі злітыя проста на зямлю.
Людзі прадказальна выказалі асцярогі, ці не паплыве ўвесь гэты бруд з вясновай паводкай да іх у двор? У выніку калектыўныя скаргі жыхароў былі накіраваныя ў мясцовую пракуратуру і Інспекцыю па экалогіі.
У сваім адказе начальнік Талачынскай раённай інспекцыі прыродных рэсурсаў і аховы навакольнага асяроддзя Павел Крывецкі паведаміў, што «факт незаконного размещения картофельной мезги (отходов производства крахмала) в лесополосе недалеко от картофелехранилища подтвердился». Інспекцыя распачала адміністрацыйны працэс у дачыненні да кіраўніцтва прадпрыемства.
Варта нагадаць, што дырэктарам РУП «Талачынскі кансервавы завод» з'яўляецца член Савета Рэспублікі Нацыянальнага Сходу Рэспублікі Беларусь Анатоль Анюхоўскі.
